Edukira joan

Goierriko Hitza

Ezkio-Itsaso
2008ko uztailak 24, Osteguna

2007-10-10 | 14:44:24

Gizartea

Ireki dute Igartubeitin Sagardoaren Astea, dolarean erakusketa eginez

Urriaren 17ra arte sagarra jo eta prentsatu egingo dute, antzezpenez eta kirikoketaz gain

Gaur goizean ireki dute Ezkioko Igartubeiti baserri-museoan aurtengo Sagardo Astea. Astebetean ekimen ugari gauzatuko dituzte XVI. mendeko dolare berreraikiaren inguruan. Sagardoa ekoizteko lehendabiziko urratsak ezagutu ahal izango ditu ikusleak. Antzezpenak, kirikoketa saioak, Ezkio-Itsasoko sagar barietateen erakusketa... ere ikusi ahalko dira zazpi egunetan.

Sagarra egunero zanpatuko dute prentsan, goizez eta arratsaldez. Gaur arratsaldean 17:00etan izango da, eta Hego Euskal Herriko ikastetxe, jubilatu elkarte eta euskaltegiei zuzenduta dago bisita.
Bihar, osteguna, 11:30ean eta 17:00etan dira zanpaketa saioak, ikusle-multzo mota berarentzat.
Ostiraletik igandera bitartean, berriz, lau erakustaldi egingo dituzte eguneko. Sarrera doan izango da, baina aldiko ikusle kopurua mugatu egingo dute, segurtasun arrazoiengatik. Sagarra zanpatzeaz gain, antzezpena eta kirikoketa (Arizkungo Jo ala Jo taldeak kirikoketa erritmora zanpatuko du sagarra) ere egingo dituzte.
Ordutegiak (ostirala, larunbata eta igandea):
-Zanpaketa, antzezpena eta kirikoketa: 10:30ean, 12:15ean eta 17:00etan.
Igartubeiti baserria 10:00etatik 14:00etara eta 16:00etatik 19:00etara egongo da irekita, antzinako baserriko bizimodua eta osagaiak ikusi ahal izateko, baita interpretazio zentroa ere.

 

zabaldu.com
bildu.net
digg.com
del.icio.us

 

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.
Ireki dute Igartubeitin Sagardoaren Astea, dolarean erakusketa eginez

Igartubeitin antzinako baserriko familia antzeztuko duten pertsonaiak, gaur goizean.

© Goierriko Hedabideak S.L. - Urbialde Plaza 7, behea - BEASAIN - Tel.: 943 16 00 56
Faxa: 943 88 96 12 - E-posta:

Internet Ehuntzen S.L.-k garatua

Goierriko Hedabideak S.L.ko kideak: Zintzo Mintzo, Goierritarra
Bertako Hedabideak (EKT)
eta Goierriko Berriak Kultur Elkartea: 15 gizarte eragile.