Goierriko Hitza

2009-07-01 | 15:42:27

Tomas Etxaniz izango da datozen bi urteetan Ezkio-Itsasoko alkate

Orain arte Ezkio-Itsasoko Herritarrak hautagaitzakoek izan dute alkatetza; bi kandidaturek adostutakoa bete dute

Ezkio-Itsaso Elkarlanean-eko zerrendaburua, Tomas Etxaniz izango da datozen bi urteetan Ezkio-Itsasoko alkate, udal hauteskundeen ondoren, herritarrez osatutako bi kandidaturetako kideek hitzartutakoa betez. Orain arte Ezkio-Itsasoko Herritarrak zerrendako Joseba Etxezarretak eta Mari Jose Telleriak bete dute kargu hori. Tomas Etxanizek atzo egindako osoko bilkuran hartu zuen alkate kargua. Arratsaldeko zazpietan elkartu ziren Ezkio-Itsasoko udaletxean udal hauteskundeetan kargua hartutako sei kideak, alkate berria izendatzeko helburuarekin. Hiru, Ezkio-Itsasoko Herritarrak hautagaitzako kideak ziren: Mari Jose Telleria, Luis Mari Torres eta Jose Mari Zumarraga eta beste hirurak berriz, Ezkio-Itsaso Elkarlanean-eko kideak: Tomas Etxaniz, Aitziber Etxezarreta eta Inazio Galdos. Isilpeko bozketa egin zuten eta Tomas Etxanizek jaso zituen sei bozkak. Guztien adostasunarekin eta berak kargua onartu ondoren, alkate izendatu zuten.

Ez du erantzunik

2008-09-03 | 15:25:05

Kizkitza eguna astelehenean ospatuko dute

Egun guztian zehar erromeria izango da Baltzala anaien eskutik

Datorren astelehenean Kizkitza Eguna ospatuko dute Kizkitza baseliza dagoen inguruetan. Lierniko Andra Mari jaietan bezalaxe Kizkitzan ere erromeri giroa izango da nagusi. Eguerdiko hamabietan meza nagusia izango da eta ondoren egun guztian zehar Baltzola anaiak arduratuk dira musika jo eta bertan bildutakoak dantzan jartzeaz. Kizkitzako baseliza 664 metroko altueran dago. 1622an eraiki zuten eta izen bereko mendi tontorrean dago kokatuta. Gipuzkoako barnealdean egonagatik, itsasoarkein lotura handia dute, bai ermitak eta baita bertako amabirjinak ere.

Ez du erantzunik

2007-11-26 | 13:16:19

Emakumeak prostituziora behartzeagatik zazpi lagun atxilotu dituzte Ezkio-Itsasoko klub batean

Engainatuta ekarri eta klubetik irteten ez zietela uzten dio poliziak

Ezkio-Itsasoko klub batean emakumeak Brasildik engainatuta ekarri eta prostituziora behartzen zituztelakoan sare bateko zazpi kide atxilotu ditu Espainiako Poliziak. Zenbait emakume atzerritar egoera irregularrean zeudela atzeman dute, eta engainuen bidez prostituzioan aritzera behartzen zituztela adierazi. Guztira 10 dira atxilotuak, zazpi Ezkio-Itsason bertan, eta Donostian, Iruñean eta Quintana de la Serenan (Badajoz, Espainia) bana.

Ez du erantzunik

2007-10-10 | 14:44:24

Ireki dute Igartubeitin Sagardoaren Astea, dolarean erakusketa eginez

Urriaren 17ra arte sagarra jo eta prentsatu egingo dute, antzezpenez eta kirikoketaz gain

Gaur goizean ireki dute Ezkioko Igartubeiti baserri-museoan aurtengo Sagardo Astea. Astebetean ekimen ugari gauzatuko dituzte XVI. mendeko dolare berreraikiaren inguruan. Sagardoa ekoizteko lehendabiziko urratsak ezagutu ahal izango ditu ikusleak. Antzezpenak, kirikoketa saioak, Ezkio-Itsasoko sagar barietateen erakusketa... ere ikusi ahalko dira zazpi egunetan.

Ez du erantzunik

2007-06-20 | 13:45:52

Igartubeiti baserri museoko interpretazio gunea ireki dute

Baserriaren edukiak osatu eta sakondu nahi ditu 672 metro koadroko zentroak

Gaur eguerdian inauguratu dute Igartubeiti baserri museoaren interpretazio zentro berria. 672 metro koadroko gune honek, baserriak eskaintzen dituen edukiak osatu, sakondu eta gehitu egin nahi ditu, erreferentzia moduan euskal baserria hartuta. Interpretazio zentro hau egiteko, 2,6 milioi euro erabili dituzte. Zentro berria hiru gunetan banatzen da: erakusketa gunea, harrera gunea eta aisialdirako gunea. Erakusketa iraunkorraz gain, beste zerbitzu batzuk ere eskainiko dituzte bertan, hala nola tailerrak, denda edota sagardoa dastatzeko gunea.

Erantzun 1

2007-05-31 | 17:58:54

Elkarlanean eta Herritarrak taldeek Udala erdibana kudeatzea proposatu dute

Hiruna zinegotzi hartuko lituzke bakoitzak, eta alkatetza txandaka

Ezkio-Itsasoko hauteskundeetan izandako berdinketaren aurrean, herriko bi taldeek (Elkarlanean eta Herritarrak) Udala eta alkatetza erdibana kudeatzea proposatu dute. Hala, talde bakoitzak hiruna zinegotzi hartuko lituzke, zazpigarrena hartzeari uko eginez. Alkatetza ere txandaka hartuko lukete, eta eztabaidak saihesteko, alkatearen boto bikoitza kentzea ere proposatu dute. Hauteskundeetako emaitzak berraztertzen ari dira oraindik. Hauteskunde Legearen arabera, berdinketa kasuetan zozketa bidez erabaki behar da alkatetza noren esku utzi, baina sistema hau ez dute begi onez ikusi herriko bi taldeek. Horregatik, elkarlanaren aldeko apustua egin dute bien arteko bileretan.

• Zaldibiako EAE-ANV galdeketarekin ados legoke, baina "emaitza errespetatzeko" eskatu dute

Ez du erantzunik

2007-05-30 | 13:25:42

Zozketa bidez erabaki liteke Ezkio-Itsason nork aginduko duen

Bozkak berriz aztertu eta kontatuko dituzte bihar, Azpeitian

Oraindik argitu gabe dago nork aginduko duen Ezkio-Itsasoko Udalean. Herrian aurkeztu ziren bi taldeek (Ezkio-Itsaso Herrikideak eta Ezkio-Itsaso Elkarlanean) berdinketa lortu zuten, bakoitzak 185 bozkarekin. Hauteskunde Legeak zehazten duen arabera, boto guztiak berriz kontatu behar dira aurrena. Gaur ziren kontaketa egitekoak Azpeitiko Hauteskunde Batzordean, baina «logistika arazoak» zirela tarteko, boto-paperak Bergarara eraman dituzte Azpeitira beharrean. Horregatik, bihar goizeko 10:00etan aztertuko dituzte botoak, Azpeitian. Berdinketaren kasua berretsiko balitz, Hauteskunde Legeak bi hautagaitzen artean zozketa egitea aurreikusten du, alkatetza noren esku geldituko den erabakitzeko. Hori, ordea, ez da bi taldeen gustukoa, eta bien artean akordioa ixtea posible ote den aztertuko dutela adierazi dute. Gaur arratsaldean dira bilera egitekoak bi taldeak, Ezkio-Itsason.

• Zaldibiako Aralar herri galdeketa egiteko prest dago

Ez du erantzunik

2006-12-23 | 19:25:42

Ustez ETAren arma gordeleku bat aurkitu dute Ezkion

Ehizako munizioz betetako bi bidoi aurkitu ditu hilerriko ermitan Guardia Zibilak, lurpean zeuden gordeta

Ezkio-itsason ustez ETAren arma gordeleku bat aurkitu du Guardia Zibilak. Ezkioko hilerrian dagoen Santa Marina ermitan, lurpeko zulo batean bi edukiontzi zeudela eta bakoitzean "ehizarako munizo kantitate garrantzitsua" zegoela esan dute polizia iturriek. Materialaren egoeragatik duela lau urtetik erabili gabe dagoela uste dute. ETAren arma biltegia izan daitekeela ere esan dute iturri berberek.

Ez du erantzunik